BuLOnG

Yakaping muli ang mundong kinagisnan
Halika’t yapusin, sana’y nararamdaman

Sa kailalima’y aahon ang lakas
Babangon muli sa pag-idlip ang marahas

Pipitigin ng kamay ko ang kulambong bumabalot
Dahil nasa dugo ko ang mundong tinatawag na salot

Pilitin mang ang mga braso ko’y bigkisin
Magpupumiglas at lalaban ‘tong muli

Sapagka’t ang isip ay hindi natatali
Tatakbo, mangungusap, gagawang muli

Ito ang mundong sa aki’y nagsabi
‘Ikaw lang ang makapangyarihang makapaghahabi

‘Kapalaran mo’y hindi isusulat para sa iyo
Ngayong nagbangon ka’t sumunod sa ayon ng puso

‘Halika, anak, simulan ang pagsulat
Babalik agad lakas, tapang at lahat

‘Pagka’t ang buhay mo’y sumulat sa papel
At hawak mong mga sandata: isip at bolpen

‘Damhin ang lakas ng iyong pagkatao
Isulat sa papel, kahit pira-piraso.’

This entry was posted on Sunday, May 27th, 2007 at 12:14 am and is filed under Uncategorized. You can follow any responses to this entry through the RSS 2.0 feed. You can leave a response, or trackback from your own site.